Dezenvolve Ekonomia no Indústria, Timor-Leste hakarak aprende husi Kamboja nu’udar membru ASEAN

DILI, www.news-viptv.com – Hare’e ba dezemvolvimentu Kamboja hafoin tinan 25 nu’udar membru ASEAN ne’ebe avansadu tebes, Timor-Leste realiza inkontru ho Kamboja hodi aprende konseptu dezenvolve setor refere.

Ho realizasaun eventu Dili International Trade Expo 2025 ne’ebe sei loke ofisialmente Kinta (28/8/2025) iha Centro Convençoes de Dili, Ministru Komersiu no Industria Nino Pereira hamutuk ho nia Vise Ministru Komersiu, Augusto Junior Trindade halo inkontru bilateral ho Sekretariu Estadu assuntu Komersiu Kamboja, Pichi Rithi.

“Prezensa nasaun Kamboja nian ne’e oportunidade diak ida, tanba Ita hotu hatene Kamboja hanesan nasaun ne’ebé ikus sai membru ASEAN iha loron 30 Abril 1999 ne’ebé mak tinan hirak nia laran,” dehan Ministru Nino Pereira, Kuarta (27/8/2025), iha Edifisu MKI Bebora, Dili.

Hodi hateten tan, “Ita aproveita iha eventu  Dili Internasional Trade Expo atu hetan lisaun esperensia ne’ebe sira iha, area dezenvolvimentu ekonomiku area Industria, tanba Ida ne,e sai referensia ba iha TL ne’ebe mak iha 26 Outubru 2025 ita sai membru ASEAN nia”.

Ministru Nino esplika, Kamboja ho Timor-Leste iha ona relasaun Komersiu, inklui Timor-Leste importa hela fos husi Kamboja tinan kotuk, por volta 4 mil toneladas.

Kamboja mos liu husi vizita eis Primeiru Ministru Hun Sen mai  Timor-Leste hatudu komitmentu nasaun membru ASEAN ne’e ba kooperasaun ho Timor-Leste.

Iha futuru membru governu ne’e hateten, ho parseria diak ne’ebe halo ho Kamboja, ba futuru iha mos oportuniadde ba produtu Timor-Leste hodi exporta ba Kamboja, inklui iha potensia bo’ot mos iha kooperasaun area turismu.