Cuba Hakarak Kooperasaun Area Foun ho Timor-Leste

DILI, www.news-viptv.com – Embaixadora Kuba ba Timor-Leste, Grisel Alina Aldama Inniss, Kuarta (19/6/2024) hasoru Prezidenti republika, Jose Ramos-Horta iha Palásiu Prezidensiál Nicolau Lobato.

Objetivu embaixadora Cuba ne’e hasoru xefi estadu hodi koalia kona ba assuntu kooperasau bilateral entre Cuba ho Timor-Leste ne’ebe Governu cuba hakatak halo revisaun kooperasaun bilateral ne’ebe iha ona hodi aumenta tan kooperasaun iha area foun.

Kooperasaun bilateral foun ne’e inklui troka kultura no edukasaun, ho asina memorandu entendimentu ida ba estudante timoroan sira atu estuda arte iha Kuba. Hahú iha fulan-agostu, grupu dahuluk husi estudante timoroan sira sei hahú sira-nia edukasaun superiór iha dansa, múzika no teatru iha instituisaun sira ne’ebé boot iha Kuba.

Durante tinan 22 kooperasaun Cuba ho Timor-Leste, area saude sai assuntu prioridade ba koooperasaun bilateral entre nasaun rua, Koperasaun ida ne’e hetan rezultadu médiku Timor oan treinadu liu rihun ida, ho barak halo ona espesializasaun iha área sira hanesan ginekolójia, ortopédiatria, no neonatolójia.