banner 728x250

COVID-19 : Mane Estranjeiru 1 Mate Maski Vasina Kompletu Ona

  • Share
Staff Laboratoriu Nasional Saude kontinua halo servisu lor-loron hodi fo sai rezultadu ba test swab. Photo: VIPTV

DILI, news-viptv.com – Sala Situasaun – Sentru Integradu Jestaun Krizi (SS-SIJK) relata hikas mane ida (1) hosi estranjeiru ne’ebe vasina kompletu mate tanba COVID-19.

Sidadaun estranjeiru ho idade 64 ne’e hela iha Dili, iha 11 Setembru 2021, diagnóstikadu ho sindroma insufisiénsia respiratória aguda (SIRA) tanba COVID-19 iha HNGV. Iha loron ne’e kedas hala’o tratamento iha Lahane, maibé i’is-kotu Kinta (16/9/2021) dader 11h50.

banner 336x280

“Familia kolabora ho ekipa saúde, hodi hala’o funeral tuir protokolu ne’ebé adopta iha Timor-

Leste,” hateten Kordenador Forsa-Tarefa ba Prevensaun no Mitigasaun Surtu COVID-19, Dr. Rui Maria de Araujo iha komunikadu imprensa.

Timor-Leste rejista tan ema mate rua iha 16 Setembru 2021. Alende sidadaun estranjeiru ida, SIJK relata Mane 1 ho idade 50 hela iha Baucau ne’ebe sedauk vasina mate iha 16 Setembru, tuku 12h15 wainhira iha prosesu transfere ho ambulánsia mai Vera Cruz. Matebian iha 15 setembru 2021, diagnóstikadu ho sindroma insufisiénsia respiratória aguda (SIRA) tanba COVID-19, iha Baucau. Matebian sofre mós moras lepra.

Ema 172 Rekoperadu

Novidade diak mos SIJK relata iha komunikadu imprensa ne’e katak ema nain 172 rekoperadu hosi COVID-19, maski mosu tan kazu foun 70 ne’ebe konfirmadu. Ema nain 700 ne’ebe konfirmadu ne’e mai hosi Dili nain 35, RAEOA 18, no Munisípiu Seluk 17. Hosi nain 70 ne’e, nain 22 maka simu ona vasina kompletu no nain 8 foin simu vasina doze dahuluk.

Ho ema nain 172 ne’ebe SIJK relata rekoperadu, reduz mos numeru ativu ba 1.995.

Ho mate foun 2 ne’e, Timor-Leste kontinua rejista ema mate tanba COVID-19 hamutuk total 102.

  • Share

Leave a Reply

Your email address will not be published. Required fields are marked *