China Komitmentu Ajuda Dezemvolvimentu Timor-Leste

DILI, www.news-viptv.com – China iha aniversariu estabelesementu relasaun bilaterais ho Timor-Leste ba tinan 20, kontinua nia komitmentu hodi ajuda dezemvolvimentu iha Timor-Leste.  

Konselleiru Estadu no Ministru Negosiu Estranjeiru China, Wang Yi deklara lia hirak ne’e wainhira hasoru malu ho Prezidenti Republika, Jose Ramos Horta, Sabadu (4/6/2022), iha Palasiu Prezidensial Dili.

“ Hau nia vizita mai Timor-Leste atensaun liu ba komemorasaun loron restaurasaun independensia no aniversariu ba estabelsementu relasaun bilaterais. China nudar maior daruak ekonomia iha mundu, no membru konsellu permanente ONU, nomos hanesan nasaun dezemvolvidu, hakarak mos aselera dezemvolvimentu Timor-Leste no muda vida moris povu nian,” esplika Wang Yi.

Wang Yi iha nia hasoru malu ho xefi estadu deklara mos Governu China komitmentu nafatin hodi ajuda Timor-Leste hodi luta kontra COVID-19 liu hosi apoia ekipamentu mediku no vasinasaun nian.

“Importante mos iha area saude, oinsa Timor-Leste bele manan pandemia COVID-19 liu hosi apoia mediku hanesan vasinasaun no ekipamentu mediku,” dehan Wang Yi.

Prezidenti Republika, Jose Ramos Horta apresia tebes ba apoiu Governu China ne’ebe durante tinan 20 ajuda ona Timor-Leste iha seitor barak.

“Ministru Negosiu Estranjeiru Vhina iha ami nia diskusaun ami koalia kona ba ami nia relasaun bilaterais ne’ebe lao ona durante tinan 20. Apresia los apoia China nian iha area barak iha koperasaun bilateral, iha edukasaun, saude. Ami iha estudante barak kuaze atus ida liu maka estuda, sira mai tinan kotuk tamba pandemia COVID no dadauk ne’e prepara atu ba fali, no sira balun estuda medisina, liliu iha universidade top sira,” dehan PR Horta.

Hafoin hasoru xefi estadu, Wang Yi mos hasoru malu ho Xanana Gusmão iha Gabinete Asuntu Martima nian

Reporter: Gantry Meilana  I  Cameraman: Justinho Mendonca