Canada Prontu Simu Traballador Timoroan

DILI, www.news-viptv.com – Kanada loke odamatan ba Timoroan sira ne’ebe hakarak servisu iha Kanada.

Iha nia hasoru malu ho Prezidente Repúblika (PR), Jose Ramos-Horta, Embaixadór Kanadá ba Tikmor-Leste, Jess Dutton (lee: Jes Daton), koalia mos asuntu oportunidade ba Timor oan sira ne’ebe hakarak ba servisu iha Kanada ne’ebe sei koalia klean antre govenru rai rua.

Embaixador ne’e mos informa katak, nia ho xefi estadu mos koalia kona ba assuntu global nian.

Durante ne’e Kanada apoia programa lubuk ida ba Timor-Leste hanesan fó konsellu ba governu kona-ba programa nutrisaun no fornese nutrisaun ba feto no labarik ki’ik sira, treinamentu ba official military no polisia sira, apoia Timor-Leste nia adezasaun ba Organizasaun Mundial Komersiu nian no ba ASEAN.

Iha nia hasoru malu ho Primeiru-Ministru Xanana, Kanada mos posibilidade bele halo kooperasaun iha setor turizmu agrikultura, no setór mina no gás.