DILI, www.news-viptv.com – Primeiru MInistru (PM) Kay Rala Xanana Gusmão hamutuk ho MInistru Juventude, Desportu, Arte no Kultura (MJDAK), Nelyo Isaac Sarmento husik ona Dili, Timor-Leste hodi partisipa seremonia abertura Asian Games Hangzhou 2023.
Alende Ministru Nelyo Isaac ne’ebe akompana PM Xanana, iha mos Ministru Administrasaun Estatal, Tomas do Rosario Cabral no Ministru Planeamentu no Investimentu Estratejiku, Gastão Sousa.
Partisipasaun PM Xanana ho delegasaun iha seremonia abertura Asian Games 2023 ne’e hodi reprezenta Prezidenti Republika Jose Ramos Horta ne’ebe labele partisipa tamba iha hela Nova Iorke, Estadu Unidos Amerikanu (EUA) hodi partisipa Asembleia Jeral ONU no delega eventu ne’e ba fali xefi governu.
Iha nota komunikadu imprensa ne’ebe publika hosi Gabinete Primeiro-Ministro, PM Xanana sei halo inkontru ho Prezidenti Republika Popular Xina, ji Xinping hodi deskute koperasaun bilateral rai rua, inklui PM Xanana sei vizita estudante Timoroan sira ne’ebe estuda iha Xina.
Seremonia abertura Asian Games 2023 ne’e sei konsentra iha Hangzhou iha 23 Atembru 2023. Eventu Asian Games ne’e mos hetan partisipasaun hosi atleta Timor-Leste nain 58 (feto 24, mane 34) ne’ebe partisipa iha modalidade Atletismu, Hit Besi, Boxe, Badminiton, Taekwondo, Natasaun, Tiru, Karate, Tenis Kampu no Volly Praia.