banner 1000x250

Arsenio Bano ho Membru Rezigna An hosi Estrutura Autoridade RAEOA-ZEESM

  • Share
PA RAEOA-ZEESM, Arsenio Bano ho nia estrutura offisialmente rezigna an hosi sira nia kargu. Foto: Media ZEESM-TL.
banner 728x90

Oé-Cusse, www.news-viptv.com – Presidente da Autoridade da Região Administrativa Especial de Oé-Cusse Ambeno (RAEOA) e Zonas Especiais de Economia Social de Mercado (ZEESM) de Timor-Leste, Arsenio Bano no ninia membru sira rezigna an hosi kargu estrutura RAEOA-ZEESM.

“Hau ho kolega sira rezigna an hosi RAEOA-ZEESM,” deklara Arsenio Bano iha konferensia imprensa ne’ebe redasaun assesu hosi kanal Youtube ZEESM-TL, Tersa (21/11/2023).

Ba estrutura seluk ne’ebe mos rezigna aan ne’e maka, Leonia da Costa Monteiro nu’udar Sekretaria Regional no adjuntu PA assuntu reforsa, Maximiano Neno (Sekretaria Rejional Adjuntu PA assuntu Sosial), Avelina da Costa (SRESES), Elisa M. Manequin (SRF), Antonio H. da Costa (SRTP), Martinho Abani (SRA), Jose Eta (SRAG), Manuel da Costa (SRS), no Pedro Cunha (SRCI).

Iha komunikadu imprensa, ekipa liderada husi Prezidente da Autoridade (PA) informa katak komunikasaun dauluk ho Na’in Primeiru-Ministru hala’o iha 1 Jullo 2023, no hahú husi loron tomada pose atual Primeiru-Ministru, Autoridade disponibiliza pozisaun Prezidente da Autoridade no membru autoridade hotu, hodi fasilita tranzisaun no fasilita diskusaun no tomada desizaun husi tutela kona-ba futura lideransa ba RAEOA-ZEESM Timor-Leste.

Biar surat ne’e seidauk iha resposta, PA haklaken, ekipa kontinua espresa vontade no interesse ba atual Primeiru-Ministru, Kay Rala Xanana Gusmão no ninia Ministru hotu-hotu kona-ba vontade atual Prezidensia atu transfere kna’ar tuir dalan ne’ebé loos no permite pasajein testemuñu diak, kontinuidade iha implementasaun programas nasionais no moos permite futura administrasaun hala’o kna’ar ho diak.

Atual autoridade hato’o katak autoridade asegura funsionamentu RAEOA no ZEESM-TL durante 120 dias liu tiha tomada de posse husi Na’in Primeiru Ministru no ninia IX Governu. Primeiru-Ministru Kay Rala Xanana Gusmão hala’o komprimisu ba povo Timor-Leste tomak katak iha loron 120 nia laran nia sei aprezenta ba povu Timor-Leste tomak no Atoni sira em espesiál Administrasaun foun ba RAEOA e ZEESM-TL, loron 24 liu tiha data promesa husi Na’in Primeiru-Ministru no to’o ohin loron ita sasin katak Na’in Primeiru-Ministru seidauk biban atu foti desizaun kona-ba futura lideransaRAEOA-ZEESM Timor-Leste.

Biar Prezidente da Autoridade (PA) kompreende no sensibilizadu ba difikuldade ne’ebé tutela hasoru hodi kria konsensu iha koligasaun ne’ebé nia lidera kona-ba futura lideransa RAEOA no ZEESM-TL, Autoridade hein katak ho autoridade nia desizaun atu rezigna em bloku desizaun ne’e bele hakmaan Primeiru ministru nia servisu no fasilita konsensu iha koligasaun nia laran no halailais prosesu ne’e.

“Desizaun atu rezigna a’an mak desizaun atu ajuda tutela foti desizaun kona-ba futura lideransa, no moos permite futura lideransa estuda no aprende kona-ba orsamentu ne’ebé Governu sentral impõem mai lideransa foun, ne’ebé tuir loloos iha semana oin presiza ba defende orsamentu ne’e iha Parlamentu Nasional,” hakerek komunikadu ne’e.

Prezidente da Autoridade empresta alegoria husi Na’in Primeiru-Ministru, Kay Rala Xanana Gusmão, no hato’o katak “iha dapur, sana lian ona, be’e nakali tiha ona, karik ita la tein, dala-ruma be’e sem maran, sana sei a’at, ai-maran ita sunu saugate deit”.

  • Share

Leave a Reply

Your email address will not be published. Required fields are marked *

error: Content is protected !!