APC Distribui Material Konstrusaun Uma ba Vitima Desastre Naturais Ermera

DILI, www.news-viptv.com – Autoridade Protesaun Civil (APC) distribui ona material konstrusaun no osan ba amo de obra ba vitima desastre naturais iha Munisipiu Ermera hamutuk nain 112.

Apoia hirak ne’e entrega deretamente hosi Prezidenti Autoridade Protesaun Sivil, Superintedenti Polisia Isamel da Costa no Prezidenti Autoridade Munisipiu Ermera, Eusebio Saldanha, Tersa (5/7/2022, iha Gleno, Munispiu ermera.

Iha nia intervensaun, Superintedenti Polisia Ismael da Costa Babo fo hanoin katak, material ne’ebe governu fo, vitima sira tenki kumpri tuir lei Protesaun Sivil nian katak labele harii tan uma iha fatin ne’ebe akontese ona desastre naturais ou risku ba desastre naturais.

“Aman-inan sira atu utiliza lolos saida maka estadu fo ba, Estadu fo apoia ba vitima desastre naturais, iha dekretu lei no 7 artigu 9, pontu 2, katak sasan nebe simu labele halo iha fatin ne’ebe desastre no atu mosu desastre, rai tenki ita bo’ot nian, labele halo iha rai estadu ou protezidu sira rai estadu, tamba depois ne’e sei halo fiskalizasaun, kuandu viola, estadu sei foti medidas, regras disiplina, minimu prizaun tinan 3 kuandu la kumpri. Laos imi deit, ami ne’ebe fahe mos sei kona. Ita nia lei protesuan sivil agora todan,” dehan Superintedente Polisia Ismael da Costa Babo.

Ema numeru ida iha Autoridade Protesaun Sivil ne’e mos husu ba komunidade sira atu kontinua natureza sira hodi labele sunu ai arbiru no kee rai aribiru ne’ebe bele lori desastre naturais ba komunidade.

Ho apoia ne’ebe vitima sira simu ona, Presidente Autoridade Munisipiu Ermera, Eusebio Saldanha  espera katak apoia refere bele ajuda hakman povu nia terus. No aktu ida nee hatudu governu iha laran luak ba nia povu hodi lori governu hakbesik tan ba povu