AMEC 2024, Hasoru Malazia, Timor-Leste Target Joga Empata

KUALA LUMPUR, www.news-viptv.com – Timor-Leste iha AMEC 2024 ba nia jogu daruak kontra Malazia sei target joga empata hodi bele hetan pontu ida.

Hasoru Malazia Kuarta (11/12/2024) kalan ne’e iha National Stadium Bukit Jalil Kuala Lumpur, Treinador selesaun nasional, Simon Ellechette hateten katak nia ekipa hakarak dezempena di’ak liu no kompetitivu liu kompara ho sira-nia lakon a’at 10-0 husi Tailandia iha jogu abertura iha Hanoi, Vietnam.

“Se ita joga bola, ita sempre hakarak manán, maibé se ita halo buat ruma, ida-ne’e sei lori rezultadu di’ak ba ita. Buat ne’ebé importante liu mak ita hakarak sai kompetitivu. Dezeñu ida-ne’e rezultadu pozitivu, manán di’ak liu, maibé maski ita lakon, bainhira ita halimar di’ak liu fali iha jogu ikus, ida-ne’e sei sai pasu ida ba oin ba ita,” dehan Simon ba jonrlaista sira iha konferensia imprensa pre-match.

Nia hatutan, “Timor-Leste nunka manán kompetisaun ida-ne’e, no ami hakarak atu dezenvolve, hadi’a, no halo istória. Klaru katak, se ita bele manán pontu ida iha turnamentu ida-ne’e, ida-ne’e sei sai rezultadu di’ak liu ba ita, no ita bele uza pontu ida-ne’e atu harii iha futuru”.

Iha torneiu ne’e, nia mos triste tamba estrela Timor-Leste Gali Freitas la hetan lisensa husi nia klubu hodi haforte selesaun Timor-Leste, inklui jogador estrela ida seluk ne’ebe aleza iha sesaun treinu nian.

Entretantu, kapitaun Timor-Leste João Pedro dehan katak nia ekipa tau tiha ona lakon sira-ne’e iha Tailandia nia kotuk no halo ona preparasaun kle’an hodi hasoru Ekipa Tigre Malaya.

“Hau hanoin katak ami la hein atu fó meta sira-ne’e (hamutuk ho Tailandia)…Hau hanoin ami muda ona husi jogu ne’e no ami prepara ona ba jogu tuirmai maibé ami sei presiza aprende no hadi’a aspetu hotu husi jogu uluk nian,” dehan João Pedro.

Timor-Leste iha nia istoria jogu, hasoru ona Malazia dala 7 no lakon hela deit. Lakon bo’ot hasoru Malazia maka ho skoru 7-0.

Jogu ikus entre Timor-Leste versus Malazia akontese iha Kualifikasaun FIFA World Cup ne’ebe Timor-Leste lakon 5-1.

Iha AFF Championship Timor-Leste iha 8 Dezembru 2004, lakon ho Malazia 4-0.

Head to Head Timor-Leste vs Malazia