Ai-leba One Shot no Ponta Leste A Kampiaun MJDAC Cup 2024

DILI, www.news-viptv.com – Ekipa basketbol mane Ai-leba One Shot no ekipa basketbol feto, Ponta Leste A sai kampiaun ba torneiu basketbol MJDAC Cup 2024.

Iha sira nia jogu final, Ai-Leba One Shot manan Santo Antonio Manatuto ho skoru 78-66 no Ponta Leste A manan Savarika 56-32.

Jogu final ne’e mos hetan prezensa husi Primeiru Ministru Kay Rala Xanana Gusmão no Ministru Juventude, Desportu, Arte no Kultura ne’ebe entrega dereta taxa ba manan nain.

Iha torneiu ne’e, komisaun organizadora mos hili jogador husi Ai-Leba One Shot, Junyo Fatima nudar melho jogador ba mane nian, no melhor jogadora maka Renivia Joana de Oliveira husi Ponta Leste A.

Entertantu melhor ekipa mane monu ba Alligator no Feto ba Savarika, ba ekipa rua ne’e MJDAK oferese premiu osan ho montante US$ 250, hanesan mos ba melhor jogador.

Ba torneiu ne’e MJDAK oferese osan US$ 1,500 ba ekipa ne’ebe sai kampiaun, no pozisaun daruak ho osan US$ 1,250 no US$ 1,000 ba pozisaun datoluk. Ba datoluk nian Mane manan husi Alligators no Feto manan husi Ponta Leste B.