Afonso Carmona Promote Hasa’e Kualidade Tribunal Rekrsu

DILI, www.news-viptv.com – Prezidenti Tribunal Rekursu, Afonso Carmona promesa sei hasa’e kualidade Tribunal Rekursu iha parte hat ne’ebe sai programa prioridade durante nia mandatu.

Iha nia deskursu dahuluk hafoin simu posse hodi troka Prezidenti Tribunal rekursu sesante, Deolindo dos Santos, nia hateten, Ho konfiansa ne’ebe estadu fo, nia simu responsabilidade ida ne’e ho korajem, humildade no determina atu fő kontribuisaun di’ak ba povo no Nasaun Timor-Leste.

SB: Carmona

Prezidenti Repubika Jose Ramos Horta hateten, nomeasaun ba Prezidente foun Tribunál Rekursu Timor-Leste nian, reprezenta Timor-Leste nia kompromisu ne’ebé la nakdoko atu hametin Estadu Direitu, fundasaun ba demokrasia Timor-Leste.

Xefi estadu hateten, Tribunál Rekursu okupa pozisaun úniku no vital iha kontestu konstitusionál. Nu’udar órgaun judisiál aas liu to’o harii Supremu Tribunál Justisa nian, nia sai nu’udar guardiaun fiél ba ita nia Konstituisaun, hodi garante katak nasaun nia lei sira interpreta ho justu no aplika hanesan ba sidadaun hotu-hotu. Tribunál Rekursu fornese kontrolu no ekilíbriu esensiál sira iha ita-nia demokrasia nia laran, hodi proteje direitu no liberdade sira ne’ebé ita-nia povu luta maka’as atu asegura, atentu nafatin ba interese Estadu nian.

Ba Prezidente Tribunál Rekursu foun xefi estadu hateten asume knaar ida-ne’e iha momentu krítiku ida iha dezenvolvimentu ita-nia nasaun nian. Dezafiu sira ne’ebé hasoru mak signifikativu – atu kontinua hametin konfiansa públiku iha sistema justisa, garante asesu oportunu ba justisa no mantein independénsia Tribunál nian, hodi kolabora ho efetivu ho ramu governu sira seluk no nunka taka matan ba interese Estadu nian.

Ho nomeasaun ne’e, xefi estadu husu atu rezolve kestaun konstitusionál sira ne’ebé kompleksu, atu defende Estadu Direitu maski bainhira ida-ne’e bele ladún popular no atu asegura katak sidadaun hotu-hotu ne’ebé aprezenta iha Tribunál hetan tratamentu justu no hanesan tuir lei.

Nuryanti Fatima, Leonito Magno Viptv