Aderitu Hugo Husu Parte Saude no STAE Atende Publiku Sem Razaun

DILI,  www.news-viptv.com –  Vise Ministru assuntu Parlamentar, Aderito Hugo hateten laiha razaun ba instituisaun governu sira atu halo razaun wainhira atendementu publiku ne’ebe orsamenta ona iha Orsamentu Jeral estadu la lao.

Aderito Hugo informa kestaun ne’e iha plenaria Parlamentu Nasional, Segunda orseik, wainhira responde preokupasaun deputadu sira relasiona ho servisu governu nian, inklui servisu saude nian.

Nune’e mos iha parte STAE no Notariadu nian ne’ebe halo razaun katak makina imprimi sira maka aat hodi labele produz kartaun eleitoral ho dokumentu notariadu nian, tamba hodi hadia ekipamentu ministeriu mos tau orsamentu.

Iha plenaria, Deputadu Marcos Soares martins husi Bankada CNRT kestiona servisu STAE ba produsaun kartaun eleitoral ne’ebe kontinua laiha blanko original hodi impede povu atu halo dokumentu ruma.

Nurima Alkatiri husi FRETILIN mos kestiona ho servisu saude ne’ebe kontinua menus aimoruk ekipamentu no rekursu umanu, inklui ambulansia ne’ebe barak maka la funsiona.