PR Ramos-Horta fo Indultu ba Prizineiru nain 6, La Inklui eis Padre Dashbach

DILI, www.news-viptv.com – Maski rekomenda ona husi Governu liu husi Ministeriu Justisa, naran eis padre Richard Dashbach la inklui iha lista indultu ne’ebe Prezidenti Repúblika (PR), Jose Ramos-Horta fó ba prizoneiru na’in 6.

Iha konferensia imprensa Tersa (27/5/2025), xefi estadu esplika, iha prizineiro nain 6 maka feto 5 no mane 1 ne’ebe nia fo no hetan ona aseitasaun husi governu.

Tuir dekretu lei Prezidente Republika No. 45/2025, ne’ebe hetan asina husi Prezidente Ramos-Horta iha Palásiu Prezidensiál Nicolau Lobato iha Dili no publika iha Jornál Repúblika iha loron 26 Maiu 2025.

Prizineiru nian 6 ne’ebe hetan indultu ne’e maka Honoria Pereira Lopes, Norberto Barreto João, Maria Goreti Abi, Maria Scolastica Sona, Julieta Godinho do Nascimento, no Armanda Jesus das Neves.