Padre Katóliku Mate Hafoin Kruz Igreja Monu Hanehan Wainhira Diriji Misa

ww.news-viptv.com, GUAYAQUIL, EKUADOR — Padre Katóliku ida, Patricio Alfredo Sánchez Molinari, mate hafoin Kruz Igrej krús boot ida ne’ebé monu husi parede igreja bainhira nia dirije hela misa. Akontesimentu trágiku ne’e akontese iha loron Sábadu, 17 Outubru 2026, iha Igreja Nossa Senhora do Perpétuo Socorro, iha Guayaquil, Ekuador.

Insidente ne’e rejista iha transmisiaun direta misa nian ne’ebé transmite liuhusi rede sosiál. Iha momentu ne’ebá, Padre Sánchez hamriik iha oin altar no dirije hela misa bainhira krús boot ne’ebé instala iha parede iha kotuk nia parte derepente monu no kona nia.

Fiél sira ne’ebé haree akontesimentu ne’e hahú hakilar atu husu ajuda. Ema balu lalais ba altar atu koko ajuda padre ne’e. Maibé, tuir informasaun ne’ebé relata, Padre Sánchez la konsege salva nia vida.

Diocese Agung Guayaquil konfirma mate padre ne’e no hato’o kondolénsia ba família, belun sira, no komunidade relijioza ne’ebé sente lakon boot.

Padre Sánchez, ho idade tinan 53, mak membru Kongregasaun Redentorista, kongregasaun Katólika ne’ebé servisu iha área pastorál no misaun evanjelizasaun.

To’o agora, kauza krús ne’e monu husi parede seidauk klaru. Seidauk iha informasaun ofisiál ne’ebé esplika tanbasá krús boot ne’e bele monu.

Akontesimentu ne’e husik tristeza boot ba fiél Katóliku sira iha fatin ne’ebá no ba ema sira ne’ebé haree gravasaun kona-ba insidente ne’e.