PNTLDesmantela Tan RedeScam Center 3 iha Dili, Detein Estranjeiru Nain 14

Dili, www.vipnews-tv.com-  Polísia Nasional Timor-Leste (PNTL), liu husi Diresaun Servisu Investigasaun Kriminál (DSIK) hamutuk ho Diresaun Servisu Inteligénsia Polisial (DSIP) kontinuadesmantela tan rede scam center 3 iha Dilino detein sidadaun estranjeiru nain 14 ne’ebe kompostu husi Xina 12, Vanuatu 1 noIndonesia 1

Liu husi Konferensia Imprensam Porta Voz Komandu PNTL Superintendente Xefe Polísia João Belo dos Reis hateten neiha loron tersa-feira (11/08) oras tuku 11:00 kalan to’o loron 12 fulan Agostu tinan 2026, tuku 04:00 Madrugada, PNTLkontinua hala’o Operasaun konjunta hodi foti asaun ba aktividade criminal sira ne’ebe deskonfia sai ameasa ba Estabilidade no Seguransa Nasional.

Alvo Operasaun, intervensaun ba rezidensia komunidade balun ne’ebe aluga ba sidadaun estrangeiru sira, tanba iha deskonfia forte ba aktividade ilegais Scam Call Center. Nune’e iha Operasaun Konjunta ne’e konsege Desmantela tan Rede Scam Call Center tolu iha fatin sira hanesan Santa Cruz, Bebonuk no Vila-Verde.

“Iha lokalizasaun Santa Cruz no Bebonuk, ekipa deskonfia forte katak suspeitu sira hamrik iha Rede ida deit, nune’e ami konsege detein Sidadaun Estrangeiru hamutuk na’in 5 (Lima) kompostu husi Sidadaun Xineza na’in 4 no Sidadaun Indonezia na’in ida, ho evidensia sira ne’ebe ekipa prende maka hanesan Aparellu Starlink ho ninia Router hamutuk Set 2, Komputador Laptop hamutuk Unidade 17, Komputador Desktop hamutuk Unidade 2, Telefone (Samsung & iPhone) hamutuk Unidade 20”, haktuir Porta Voz Komandu PNTL ne’e.

Diretúr DSIK ne’e akresenta tan katak Estatutu Jurídiku husi Kazu ida ne’e Ekipa Rezista ona ho Númeru Prosesu NUC 0297/26-PNSIC.

“Entrentu, Ekipa Konjunta kontinua hala’o Intervensaun ba rezidensia ida ne’ebe aluga husi sidadaun estrangeiru sira iha area Vila Verde (Aldeia Lemorai) no konsege detein Sidadaun Estrangeiru hamutuk na’in 9, kompostu husi Sidadaun Xineza na’in 8 no Sidadaun Vanuatu na’in ida”, hatutan Diretúr DSIK ne’e.

Evidensia hirak ne’ebe prende maka hanesan Aparellu Starlink hamutuk Unidade 2, Komputador Laptop hamutuk Unidade 2 no Telefone hamutuk Unidade 2. Estatutu Jurídiku husi Kazu ida ne’e Ekipa Rezista ona ho Númeru Prosesu NUC 0287/26-PNSIC.