Liga Timorense 2026, Karketu Dili Halakon AS. Marca 4-2

DILI, www.news-viptv.com – Kampiaun Liga Timorense epoka 2025, Karketu Dili iha nia jogu dahuluk abertura epoka 2026, kontinua hatudu nia klase nu’udar klubu zigante hodi Halakon AS. Marka ho skoru 4-2, iha jogu ne’ebe realiza iha Estadiu Munisipal Dili, Kinta (21/5/2026).

Golu vitoria Karketu Dili nian ne’e oferese husi Daniel Gayo iha minutu 39 no 41, no golu rua seluk hatama husi Anjenuku Viegas iha minutu 65 no 85.

As. Marka konsege lidera uluk jogu ho golu 1-0, liu husi golu Ezequel da Cruz da minutu 4, maibe golu ida tan seluk ne’ebe hatama husi Gabriel Pires iha minutu 74 labele salva nia klubu husi derota.

Treinador AS. Marka, Jose Fonseca hateten, nudar treinador nia rekonese derota nebe nia ekipa hetan tamba Karketu Dili nudar klubu zigante. Maibe ho derota ne’e sei sai avaliasaun ba nia hodi identifika parte fraku nia ekipa.

Nune’e mos Bernand teye, nudar treinador Karketu dili senti kontenti ho skoru ne’ebe nia Jogador hetan, no iha Unidade jogu ne’ebe kapas tebes.