2 Mate, 31 Xefi Familia Sofre Tamba Dezastre Naturais

DILI, www.news-viptv-com – Ema nain 2 mate no xefi familia hamutuk 31 maka afetadu tamba dezastre naturais durante 2 Maiu to’o 07 Maiu 2023 iha .

Diretor Gabinete Relasaun Externa no Komunikasaun, Anacleto Caetano, M.AP ba jornalista sira iha konferénsia imprensa informa mate rua ne´e rejista hosi Munisipiu Baucau no Viqeuque. Vitima mate ne´e maka Adoltino Magno Ximenes (tinan 17) hosi Aldeia Bubuha, Suku Larisula, Postu Baguia no vitima mate ida seluk maka katuas ida ho idade tinan 50 hosi Suku Uaimori, Aldeia Uatolesu.

“Vitima rua ne´e mata tamba mota lori,” dehan Anacleto Caetano, Segunda (08/05/2023), iha salaun konferénsia APC Kaikoli, Dili.

Entertantu, xefi familia 31 ne´ebe afetadu, 24 xefi familia hosi Munisipiu Covalima ne´ebe sofre tamba dezastre bee sae (inundasaun). Xefi familia 4 seluk hosi Viqueque mos relata sofre tamba bee sa´e.

“CNOPC-APC rejistu uma hamutuk Xefi familias 31 mak hetane stragus liu-liu iha Munisipiu Baucau (Mate 1), Munisipiu Covalima  (Be’e sae 24), RAEOA (Anin sobu uma 1), Munisipiu Viqueque (Anin sobu uma 1, Be’e Sae 4, no Rai Halai 1, Mota lori ema 1),” informa Diretór GREC APC nee.