Xefi Estadu Husu Timoroan Hapara Temi Liafuan Pro-Otonomia no Milisia

LIQUISA, www.news-viptv.com  –  Xefi Estadu husu ba Timoroan sira atu hapara ona lia fuan otonomia no milisia ba maluk sira ne’ebe uluk hili dalan pro integrasia iha tempu referendu hodi desidi Timor-Leste nia futuru iha tina 1999.

Hafoin partisipa komemorasaun tinan 26 masakre Liquisa, Presidente Republika Jose Ramos Horta fo hanoin ba Timoroan hotu atu hapara ona diskriminasaun ba malu no labele temi nafatin pro-autonomia ka milisia, tamba Timoroan balun ne’ebe uluk hili opsaun integrasia mos salva Timoroan barak ne’ebe kontra integrasia.

Nune’e mos xefi estadu husu ba governu atu labele haluha mos vitima no sobriviente sira, hanesan mos veteran sira ne’ebe hetan rekonesementu husi estadu.

Prezidente Ramos-Horta mos informa katak nia sei halo Jardin ida ba familia Nicolao Lobato nian iha Soibada, Manatuto.