![banner 1000x250](https://news-viptv.com/wp-content/uploads/2024/03/BANER-KURSU-VIP.jpg" "banner 1000x250")
![banner 728x90](https://news-viptv.com/wp-content/uploads/2022/11/Efata-John-14-6.jpg" "banner 728x90")
DILI, www.news-viptv.com – Governu Timor-Leste (TL) no Republika Indonézia (RI) iha tempu besik nia laran sei finaliza deskusaun ba fronteira terrestre rai rua ho espíritu amizade no kooperasaun.
Liu hosi komunikadu imprensa ne’ebe publika hosi Gabinete Primeiru Ministru, Primeiru-Ministru (PM), Kay Rala Xanana Gusmão informa ekipa Gabinete Fronteira Marrítima no Terrestre ka Land Maritime Baundaries Office (LMBO) lidera hosi Asistente Espesiál ba Xefe Negosiador no Xefe Ekipa Téknika ba Negosiasaun nian no ambitu iha Delimitasaun Fronteira Terrestre RDTL, Roberto Soares no Xefe Gabinete Primeiru-Ministru, Elizabeth Exposto dezloka ona ba Bali Indonézia hodi hala’o deskusaun tekniku ho ekipa Estadu Indonézia nian.
“Dikusaun lao hela, Land Maritime Baundaries Office (LMBO) dadauk iha hela Bali, ami mai hamutuk hau fila fali ba Timor, sira sei kontinua iha Bali hodi hamutuk ho tekniku Indonezia diskute, tamba ida ne’e komprimisiu mos hosi Governu Indonezia. Ita husu bo’ot hodi hakotu tiha problema fronteira terreste ne’e. Tamba ho Australiia nian mos ita finaliza ona,” informa PM Xanana ba jornalista sira, hafoin partisipa reuniaun nivel altu AIS Forum iha Bali, Indonezia.
Ekipa téknika rai rua hala’o hela deskusaun sei finaliza diskusaun tékniku sei aprezenta fali estadu rua haree hotu bele avansa ona ba asinatura akordu iha Jakarta-Indonézia.
Bainhira rai rua finaliza ona finaliza ona fornteira marítima maka sei fó pasu di’ak ba projetu peska sustentavel sira iha tasi no ajuda rai rua kontrola no hapara peska ilegál ne’ebé destrui biodiversidade marítima.
Antes ne’e, iha tinan kotuk, Atuál Xefe Negosiadór Prinsipál Fronteira Maritima no Terrestre, Kay Rala Xanana Gusmão ho Eis Ministru Koordenadór ba Asuntu Polítiku no Defeza Wiranto ho Ministru Negósiu Estranjeiru no Kooperasaun Indonézia, Retno Marsudi asina ona nota aseitasaun ba finalizasaun fronteira terrestre.
Liuhosi asinatura aseitasaun ne’e konsege konklui ona fronteira terrestre iha segimentu rua hanesan Noelbesi-Citrana no Bijael Sunan-Oben. Área Noelbesi-Citrana hanesan fronteira ho Kupang Nusa Tengara Timur (NTT) no Oé-Cusse Ambeno hanesan parte Timor-Leste nian. Alende ida ne’e ba área Bijael Sunan-Oben hanesan fronteira Tengah Utara ne’ebé sai parte hosi NTT no Oé-Cusse Ambeno ho medida ektare 142,7.
