Telkomcel Parseiru Ofisial Governu ba XII Jogos Desportivas CPLP 2025

DILI, www.news-viptv.com – Ministeriu Juventude, Desportu, Arte no Kultura (MJDAK) no Telkomcel asina akordu kooperasaun hodi sai oficial parseiru ba Jogos Desportivos CPLP 2025 ne’ebe sei realiza iha 17 to’o 25 Jullu 2025 iha Dili, Timor-Leste.

Nelyo Isaac Sarmento nu’udar ministru hateten katak, MJDAK hetan kontaktu husi Telkomcel ne’ebe hakarak sai parseiru hodi apoia atividade hirak ba jogos refere.

CEO Telkomcel nian Benedictus Ardiyanto hateten katak Telkomcel sentu onradu bele sai parseiru oficial ba jogos refere no iha papel importante nudar autor industria ida hodi oinsa hamutuk ho estadu Timor-Leste involve iha atividade sira ne’ebe involve juventude sira.

Embaixador Indonesia ba Timor-Leste, Okto Dorinus Manik hateten Governu Indonesia ho nia setor privadu sira ne’ebe halo investimentu iha Timor-Leste pronto atu sai parseiru saida deit iha atividade estadu Timor-Leste nian, inklui oinsa halo promosaun ba talentu juventude sira iha area desportu.