SEA Games 2025, Governu Sei Prepara Atketa Nasional Hahu Abril

DILI, www.news-viptv.com – Fulan Abril, Ministeriu Juventude, Desportu, Arte no Kultura sei hahu preparasaun ba atleta nasional sira ne’ebe sei compete iha SEA Games 2025 iha Thailandia.

Ministru Juventude, Desportu, Arte no Kultura Nelyo Isaac Sarmento esplika, preparasaun ne’e hahu ho selesaun ba atleta sira liu husi kompetisaun nasional iha kada modalidade ne’ebe sei partisipa.

Mesmu MJDAK seidauk hatene modalidade desportu saida deit maka sei partisipa, maibe parte MJDAK informa posibilidade modalidade ne’ebe sei partisipa maka Atletismu, Karate, Taekwondo, Boxing no Volley.