banner 1000x250

Presidente Republika Dekreta Ma’Huno Hakoi iha Semeteriu Espesial

  • Share
banner 728x90

DILI, news-viptv.com – Presidenti Republika, Francisco Guterres “Lu-Olo” liu hosi dekretu Presidenti Republika numeru 80/2021, 27 Setembru dekreta Estadu fo onra funebre no hakoi Jose Antonio Joao Gomes da Costa Ma’Huno Bulerek Karathaiano iha semeteriu espesial iha Jardim dos Herois da Patria iha Metinaro.

Komunikadu imprensa nebe Gabinete Media Presidenti Republika publika esplika, iha dekretu Presidenti Republika nebe publika ohin, iha Jornal da Republica hateten konstituisaun konsagra rekonesementu no valorizasaun ba rezistensia sekular Povu Maubere kontra dominisaun estrajeira no kontributu ema hothotu nebe luta ba independensia nasional.

banner 1000x250

Lei kona ba estatutu Kombatentes Libertasaun Nasional reafirma vontade atu fo omenaje ba esforsu sira nebe manifesta hosi Kombatentes Libertasaun Nasional iha luta Libertasaun Nasional.

Ma’Huno moris iha 14 Abril 1949. Iha 24 Setembru 2021 nia iis kotu iha Hospital Nasional Guido Valadares tamba moras stroke.

Dadauk ne’e mate isin Ma’Huno tau hela Muzeu Resistensia no Arkivu Nasional.

Ma’Huno nia kontribuisaun iha luta libertasaun patria nu’udar fundador ASDT, membru Comite Centrak FRETILIN, Xefi Konsellu Politiko Militar Frente Armada, Sekretariu Komisaun Diretiva FRETILIN, Komandante FALINTIL, Sekretariu Rejiaun 3.

Iha vida politika, Ma’Huno nu’udar mos fundador Partido CNRT nebe nia funda hamutuk Kay Rala Xanana Gusmao nebe dadauk ne’e nu’udar Presidenti partido.

Writer: MEILANA, Evangelisto SantosEditor: DOS SANTOS, Agida
  • Share

Leave a Reply

Your email address will not be published. Required fields are marked *

error: Content is protected !!