Dili, www.news-viptv.com – Hasai povu hosi kiak no mukit hodi hetan moris diak, sai esperansa ba eleitor Partidu Democratico iha Becora Postu administrativu Cristo Rei, Munisipiu Dili, wainhira hatoo sira nia esperansa ba estrutura nasional ho nia kuadrus politiku sira halo komisiu politiku ho modelu dialogu ho nia eleitor sira no komunidade iha area refere.
Alende hakarak povu moris diak, eleitor foin sa´e sira mos hakarak governu PD tau prioridade ba area desportu ne´ebe nu´udar atividade prinsipal ba foin sa´e sira hafoin edukasaun.
Hasae kualidade edukasaun no fo kreditu ba estudante sira hodi finaliza sira nia estudu, sai duni komprimisiu eleitoral Partidu Democratico durante nia komisiu politiku.
Joao Choque nu´udar kuadru politiku Partidu Democratico iha nia kampana mos hatoo programa partidu nain wainhira ukun maka oinsa mos tau importansia ba setor agrikultura no turismu.