DILI, www.news-viptv.com – Primeiru-Ministru, Kay Rala Xanana Gusmão, delega formalmente nia kbiit kona-ba Servisu Nasionál Intelijénsia (SNI) ba Ministru Prezidénsia Konsellu Ministru, Agio Pereira, liuhosi Despaxu númeru 01/PM/1/2025, publicado no dia 20 de janeiro de 2025.
Iha publikasaun pajina official Ministru Presidensia Konsellu Minstru, despaxu ne’e hateten katak desizaun ne’e konsidera importánsia atu asegura supervizaun ne’ebé efetivu iha monitorizasaun Servisu Nasionál Intelijénsia nian iha nia misaun importante atu produz informasaun ne’ebé kontribui ba salvaguarda independénsia no interese nasionál, seguransa interna no esterna, no prevensaun terorizmu, espionajen no krime organizadu.
“Reforma no reestrutura kedas Servisu Nasionál Intelijénsia nian, hodi garante integridade no profisionalizmu iha instituisaun ne’e”, hanesan kompromisu ida ne’ebé hato’o hosi Primeiru-Ministru, Kay Rala Xanana Gusmão, iha diskursu ne’ebé hato’o iha loron 1 fulan-jullu tinan 2023, iha fatin pose husi IX Governu Konstitusionál. Hodi kumpre kompromisu ida-ne’e, iha loron 5 fulan-setembru tinan 2023, Ministru Agio Pereira, reprezenta Primeiru-Ministru, fó pose ba Longuinhos Rabindranath Tagore Domingues de Castro Monteiro no Egas de Araújo Moniz nu’udar Diretór Jerál no Vise-Diretór Jerál, respetivamente, hosi Servisu Nasionál Intelijénsia nian.
Iha serimónia tomada pose ba lideransa foun SNI nian, Ministru Agio Pereira destaka katak “intelijénsia, enkuantu servisu ida ne’ebé sensivel tebes Estadu nian, la’ós siénsia ida ne’ebé presiza, ida-ne’e liu arte ida ne’ebé nia evolusaun ezije dixiplina barak, kriatividade no inovasaun”.