Maricha Mota Unika Karateka Ne’ebe Oferese Osan Mean ba Karate

Dili, www.news-viptv.com – Karateka Timoroan Maricha Mota unika karateka iha modalidade karate ne’ebe oferese medalla osan mean ba Timor-Leste.

Medalla osan mean ne’e nia hetan hafoin halakon karateka Portugal, Leonor Gonçalves iha final klase -53 Kg ne’ebe realiza iha Ginaziu Desporto Dili, Sexta (25/7/2025).

Timor-Leste iha modalidade karate lolos iha oportunidade hadau osan mean 3 seluk liu husi nia karateka ne’ebe konsege tama final, maibe nain 3 ne’e ikus hetan deit medalla osan mutin.

“Hau kontenti bele hetan osan mean ba hau nia nasaun,” komentariu Karateka Maricha Mota.

Lia fuan hanesan hato’o husi Eugenio Soares ne’ebe mos kontenti maski hetan deit medalla osan mutin.

Iha fatin hanesan, Treinador Andre Cecilia Kevin senti kontenti ho prestasaun ne’ebe nia atleta hetan iha eventos Jogos CPLP ne’e.

“Durante ne’e governu husu ba ami atu bele hetan medalla, agora ami hetan ona, ami hein saida maka governu sei fo ba ami,” dehan Andre Kevin.

Rezultadu Kompletu Modalidade Karateka

Klase Femenina -53kg

1. Maricha Mota, Timor-Leste
2. Leonor Goncaalves, Portugal
3. Naria Freitas, Angola
4. Rania Rodrigues, Cabo Verde

Klase Maskulino 60Kg

1. Luis Morais, Portugal
2. Eugenio Soares, Timor-Leste
3. Patricio Neto, Angola
4. Morgan Esprito, São Tome e Principe

Klase Maskulino 55Kg

1. Jesus Muanza, Angola
2. Alexandre Nessi, Timor-Leste
3. Kevin Silva, Mozambique
4. Afonso Ferreira, Portugal

Klase Femenino -48Kg

1. Ema Lopes, Portugal
2. MelcHia Gusmão, Timor-Leste
3. Emilia Vela, Angola
4. Jordina Americo, Mozambique.