KOPA FFTL 2024 I FC. MUSHILA 1 – 4 FC. ASSA

DILI, www.news-viptv.com – Haforsa husi jogador selesaun nasional senior, sub-16 no sub-18, FC. Mushila tenki rekonese vitoria FC. Assa 4-1 iha jogu dahuluk grupu B nian ne’ebe realiza iha Sabadu (11/5/2024), iha Estadiu Munisipal Dili.

Mushila konsege lidera jogu 1-0 iha minutu 34, liu hosi golu jonatas pereira hafoin ho kalma bele simu bola assit husi nia kolega ne’ebe bola nia husik husi ain la konsege blokea hosi baliza Assa ne’ebe guarda husi Ricardo Soares.

Esforsu no ataka ne’ebe ekipa rua la muda rezultadu 1-0 iha minutu 45 dahuluk.

Tama ba minutu 45 daruak, Jose da Costa sai eroi ba ekipa Assa, hafoin golu hattrick ne’ebe nia halo iha minutu 48, 57, no 86 lori Assa manan 4-1. Golu ida seluk assa nian hatama husi Patrick Koame iha minutu 65, liu husi kabesa hafoin simu bola passing husi tiru falta ne’ebe nia kolega lansa.

Golu dahuluk Jose da Costa hatama liu hosi bola kantu ne’ebe nialansa husi nia ain los konsege tama liu baliza Mushila ne’ebe guarda husi Karvarinho Fernandes.

Entertantu golu daruak ne’ebe nia halo liu husi golu kabesa hafoin simu bola barullu ne’ebe labele antisipa hod diak husi baliza no jogador defeza Mushila. No golu ikus nia halo hafoin bola passing ne’ebe nia lansa husi parte liman los labele antisipa ho diak husi Karvarinho Fernandes, maski konsege soe bola, maibe arbitru konsidera bola golu ona.