KHUNTO Garante Lu-Olo Manan iha Volta Daruak

AINARO, www.news-viptv.com – Konselleiru Partidu Haburas Unidade Nasional Timoroan (KHUNTO), Jose Naimori Bukar garante Francisco Guterres Lu-Olo sei manan iha Eleisaun Prezidensial volta daruak ne’ebe sei halao iha 19 Abril.

Tamba ne’e, Naimori esplika, liu hosi dezisaun kolektivu Partidu KHUNTO, nudar lider maximu ne’e nia orienta ona ba estrutura nasional to’o baze atu militante no simpatizante sira hotu tenki vota ba Lu-Olo.

Naimori mos esplika katak, razaun Partidu KHUNTO fo fali apoia ba Lu-Olo, ho razaun atu kontinua hatudu komitmentu koligasaun KHUNTO ho PLP no FRETILIN ne’ebe dadauk ne’e lidera governu, tenki remata to 2023.

Iha volta dahuluk, kandidatu Partidu KHUNTO Armanda Berta dos Santos hetan deit pozisaun datoluk ho votos rihun lima nolu resin nen, atus nen sia nolu 56.690 ho nia porsentazem walu pontu hitu 8.7%.

Reporter: Leonito Fatima  I  Cameraman: Justinho Mendonca