banner 1000x250

Japaun-PNUD Apoiu Miliaun 5.1 Projetu Insfraestrutura Komunitaria ba Resilensia

  • Share
Ministru Administrasaun Estatal, Tomas do Rosario Cabral ho
banner 728x90

DILI, www.news-viptv.com – Governu Japaun ho Programa Nasoes Unidas ba Dezemvolvimentu (PNUD) iha Timor-Leste apoiu tan fundus miliaun 5.1 Dolares Amerikanu ba projetu insfraestrutura komunitaria ba resilensia.

Fundus refere Japaun-PNUD entrega ba Governu liu hosi Ministeriu Administrasaun Estatal liu hosi asina akordu ne’ebe asina dereta hosi Tomas do Rosario Cabral nu’udar Ministru Administrasaun Estatal, no Tetsuya Kimura (Embaixador Japaun mai Timor-Leste) no Katyna Argueta (PNUD).

Tuir programa, projetu refere sei implementa iha Munisipiu Ermera, Bobonaro, Liquisa no Rejiaun Administrasaun Espesial Oekusi Ambeno (RAEOA).

Representante PNUD Katyna Argueta esplika, projetu ne’e ho objetivu atu apoiu komunidade iha munisipio 3 no RAEOA hodi reabilita infraestrutura komunitariu 40 ne’ebe sei permite komunidade sira hodi asesu ba saude, edukasaun, merkado, irigasaun, be’e no saneamento.

“Projetu ne’e finansia husi Japaun ho total orsamentu miliaun 4.8 no PNUD nian kontribuisaun dolares 300,000. Projetu ne’e sei implementa durante tinan 4 hahu husi tinan 2023 to’o 2027,” hateten Katyna Argueta ba jornalista sira iha edifisiu MAE, Kinta (12/10/2023).

Ministru Administrasaun Estatal, Tomas do Rosario Cabral hateten, orsamentu ne’ebe apoia hosi Japaun no PNUD ne’e sei aloka ba munisipiu ne’ebe benefisia ba programa ne’e.

“Ohin hau mos koalia ho diretor sira hodi informa ba administrador posto sira mos tenke kontribui  hodi atende ema ne’ebe servisu iha munisipiu, tamba osan ema mak apoiu ita simu deit mak resultadu ho nune’e ita mos tenke kontribui hodi finansia material hotu hodi fo benefisiu ba komunidade,” dehan ministru ne’e.

  • Share

Leave a Reply

Your email address will not be published. Required fields are marked *

error: Content is protected !!