Hakotu Susar no Terus, Veteranus Baucau Husu Povu Vota ba Ramos Horta

BAUCAU, www.news-viptv.com – Veteranu sira iha Munisipiu Baucau apela ba Baucau oan sira hodi vota ba kandidatu prezidenti republika Jose Ramos Horta.

Iha kampana kandidatura prezidneti Republika Ramos Horta nian nebe halao iha Kampu Futebol Triloka Baucau, iha Kinta (3/3/2022), veteranu Alin Laek ho Berdu husu ba eleitor Baucau atu hakotu terus no susar ne’ebe durante tinan 5 ne’e laiha mudansa ba moris povu nian, hodi vota Ramos Horta ba Prezidenti Republika.

Nune’e mos Xanana Gusmao esplika razaun kandidata Ramos Horta ba Prezidenti Republika atu hatur hikas konstituisaun RDTL ne’ebe hetan violasaun hosi ukun nain sira ne’ebe halo lei ne’e rasik.

Entertantu, nudar kandidatu, Ramos Horta promesa sei servisu hamutuk ho governasaun foun tuir dalan konstituisaun hodi hare ba bem estar povu nian no loris mudansa ba moris diak povu Timor-Leste nian.

Video Journalist: Justinho Mendonca