Haforsa TL iha ASEAN, Koreia Sul Prontu Kapasita Timoroan Sira

DILI, www.news-viptv.com – Koreia Sul prontu kapasita Timoroan sira iha dezenvolvimentu rekursu umanu hodi apoia no haforte Timor-Leste nian prezensa nu´udar membru nasaun foun iha ASEAN.

“Governu Koreia prometidu atu apoia Timor-Leste ba preparasaun liliu kapasitasaun rekursu umanu. Koreia prontu bainhira deit Timor-Leste persiza no Koreia sei apoiu Timor-Leste nia membru full iha ASEAN,” dehan Embaixador Koreia Sul, Shin Mantaek hafoin hasoru malu ho Prezidenti Republika Jose Ramos-Horta, Tersa (6/2/2023) iha Palasiu Presidensial Dili.

Iha 11 Novembru 2022 liu hosi ASEAN Summit, ASEAN simu ona Timor-Leste nia pedidu adezasaun hodi sai membru ba pais ASEAN. Estatutu ne´ebe ASEAN dadauk ne´e fo ba Timor-Leste maka nu´udar observador.

Timor-Leste desde 2011 hatama ona nia pedidu adezasaun hodi bele sai membru pais ba dala 11.