Governu Hapara Atividade Eskola

DILI, news-viptv.com – Governu liu hosi Presidensia Konsellu Ministru anunsia hapara atividade eskola sira iha Dili laran to’o 31 Agustu 2021.

Dezisaun ne’e bazeia ba despaisu Ministeriu Edukasaun, Juventude no Desportu (MEJD) no 42G/MEJD/VIII/2021.

Iha infografis ne’ebe publika hosi Gabinete Porta-Voz Governu, hakerek “Eskola Sira iha Dili Laran Taka hosi loron 17 to’o 31, fulan-agostu”

“Ohin ami nia eskola mos anunsia ona kona ba despaisu governu nian ne’e” dehan Giovania dos Santos, estudante Grade 12 hosi St. Jude Internasional School.

Laos ne’e deit, eskola refere mos anunsia ba nia estudante sira atu tuir vasina hotu iha eskola hahu idade 12 to’o 18.

Tuir informasaun, dezisaun ne’ebe governu halo ne’e relasiona ho numeru positivu COVID-19 ne’e sa’e makas tan iha Dili no munisipiu balun.