Copa AFME 2021: Golu Janel de Jesus, Hakoi Mehi Bulgaria ba Final

GLENO, www.news-viptv.com – Jogador reservau FC. Weasel, Janel de Jesus sai eroi ba nia ekipa hafoin nia golu iha tempu injury time iha minutu 95’ hakoi FC. Bulgaria nia mehi hodi hakat ba final Copa AFME 2021.

Golu injury time, Janel de Jesus ne’e lori nia ekipa manan FC. Bulgaria ho skoru 2-1 iha jogu semi-final ne’ebe halao Sabadu (9/10/2021), iha Estadiu Municipal Café-Ermera.

FC. Bulgaria konsege halo estadiu barullu hosi nia supporter sira tamba golu Alexandrino Miranda ne’ebe nia hatama iha minutu 20, liu hosi suta penalidade.

Maibe, FC. Weasel liu hosi nia avansadu Cezinho Martins iha minutu 28’ konsege lori jogu sai empata 1-1.

Ho vitoria ne’e, FC. Weasel maka hakat ba final no sei hasoru FC. Tuna ne’ebe iha nia jogu semi-final konsege manan FC. Agua Vermelha 1-0.

FC. Bulgaria: Emido Soares (GK), Zito Moreira, Ivanio Soares, Benigno Soares, Tito Soares, Martinho Paz, Januario Menezes, Boaventura Lima, Alexandrino Miranda, Simão Soares, Alexandre Soares.

Rezerva: Miguel Madeira, Inocencio Salsinha, Francisco Soares, Simão Soares, Jaime Soares,. Octavio Menezes, Nino Reis, Helio Alves.

FC. Weasel: Joao Madeira (GK), Francisco Toti, Sergio Salsinha, Flavito Salsinha, Hipolito Neves, Nuncio Exposto, Alexandre M, Nelson Babo, Cezinho Martins, Duarte Araujo, Nelson Soares

Rezerva: Ivan Santos (GK), Balarizio Salsinhoa, Pipito Salsinha, Rudolfo Madeira, Ezio Ximenes, Aderito de Jesus, Deonizio Madeira, Janel de Jesus, Rinaldy Andrew, Brigio Maia, Helder, Denisio Deus, Antonio Salsinha