Atletico Ultramar Fahe Pontu ho FC. Lica-Lica

DILI, www.news-viptv.com – Klubu segunda divisaun hosi Manatuto, Atletico Ultramar tenki fahe pontu hafoin joga empata 1-1 hasoru Lica-Lica Lemorai iha joga ne’ebe realiza iha Estadiu Munisipal Dili, Sabadu (16/10/2021).

Lica-Lica hahu golu uluk hosi nia jogador Juvito Nascimento wainhira halo golu iha minutu 16. Golu ne’e nia halo hafoin uza oportunidade diak hosi bola blunder baliza adversariu.

Liu tiha minutu 19, Atletico Ultramar konsege halo jogu sai empata 1-1. Hafoin Bonifacio Cabral ho matenek bele konserva bola assist hosi nia kolega sai golu.

Bonifacio Cabral dala ida tan iha minutu 72 halo tan golu no lori nia ekipa lidera jogu 2-1. Golu ne’e mos akontese hafoin bola falta ne’ebe nia kolega lansa sai tiha barullu iha areia defeza adversariu no ho kalma nia bele suta bola ho diak no sai golu.

Elder Kiko iha minutu 82 hakoi mehi Atletico Ultramar ne’ebe lidera ona jogu hodi sai empata 2-2.

Ho rezultadu empata ne’e Attico Ultramar tenki simu pozisaun 3 no Lica-Lica iha pozisaun 4 klasifikasaun provizoriu Grupu B segunda divisaun Liga Futebol de Timor-Leste.