AEC: TL nian Dezenvolvimentu Infraestrutura Avansadu no Moderna

DILI, www.news-viptv.com – Desenvolvimentu infraestrutura iha área oi-oin ne´ebe dadauk ne´e Timor-leste desenvolve hela, tuir observasaun hosi delegasaun Misaun Esploratoriu Komunidade ASEAN ba Pilar Ekonomia (Fact-Finding Mission ASEAN Economic Community) ba desenvolvimento insfraestrutura avansadu no modernu.

Vise Ministru Turismu, Komersiu no Industria, Domingos Lopes Atunes epslika, iha vizita loron daruak Misaun Esploratoriu Komunidade ASEAN ba Pilar Ekonomia nian ne´e sente kontenti ho apresentasaun hirak ne´ebe apresenta hosi ministério hirak ne´ebe responsabiliza ba área insfraestrutura, komunikasaun no kapasitasaun rekursu umanu liga ba asuntu empregu nian.

“Em jeral sira sente kontente tebes ho desenvolvimentu ne´ebe mak ita halo durante ne´e iha area obras publika, komunikasaun, transporte no aviasaun no portu ,” dehan Vise Ministru Turismu, Komersiu no Industria Domingos Lopes Atunes, Kuarta (20/7/2022), iha edifisiu Ministeriu Finansas Aitarak Laran, Dili.

Iha apresentasaun área insfraetrutura komunikasaun ne´ebe apresenta hosi Autoridade Nasional Komunikasaun, misaun esploratoriu konsidera Timor-Leste avansadu liu ona.

“ba setor enerjia nian, sira sei oferese no kombina entidades Timoroan atu ba service iha sira nia rai,” esplika Atunes.

Nune´e mos hafoin vizita deretamente ba Portu Dili no Portu Tibar ne´ebe iha prosesu konstrusaun hela, misaun esploratoriu sira mos konsidera facilidade ne´ebe uza ba Portu Tibar modernu ona no bele sai fatin tranzitu ba mercadoria sira ba destinasaun nasaun sira ne´ebe besik Timor-Leste.

Iha politika kapasitasaun rekursu umanu ne´ebe apresenta hosi Sekretaria Estadu Politika Formasaun no Empregu (SEPFOPE), delegasaun apresia ba politika Timor-Leste nian iha prepara no kapasita nia rekursu umanu, inklui ba programa haruka Timoroan sira ba servisu iha rai liur.

Iha inkontru loron daruak, hamutuk iha topiku 3 ne´ebe apresenta maka Kapasidade Portu Tibar no Benefisiu ba Ekonomia Timor-Leste, Papel Sentru Formasaun Tibar iha apoia Kapasita Rekursu Umanu ba adezaun TL iha AEC, ho Potensias Portu Dili no Desenvolvimento Komersiu no Reabilitasaun Transporte Marina nian.

Apresentasaun sira ne´e ho espesifikasaun hosi Ministeriu Turismu, Komersiu no Industria kona ba Desenvolvimentu Parke Nasional liga ho Desenvolvimentu Portu Tibar.

Hosi Ministeriu  Transporte no Komunikasaun apresenta fokus liu ba Desenvolvimentu Portu Tibar ne´ebe harii ho fundus parseria entre governu ho setor privada.

Iha nia apresentasaun, SEPFOPE apresenta kona ba Estratejia Nasional Empregu 2917-2030 no Politika Nasional Treinamentu nian. Alende ne´e Institute of Business (IOB) mos halo nia apresentasaun kona ba programa resposta traballador merkadu iha Timor-Leste.

Tuir ajenda, Kinta aban (21/7/2022) nu´udar loron ikus misuan esploratoriu nian ba sira nia vizita servisu no sei halo inkontru ikus ho Ministeriu Agrikultura no Peskas, inklui hos Kamara Komersiu Industria Timor-Leste.