AD. SLB Kampiaun Super Cup 2021

DILI, www.news-viptv.com  – AD. SLB sai kampiaun Super Cup 2021, hafoin manan FC. S’Amuser liu hosi drama penalidade 5-3, Sabadu (29/1/2022), iha Estadiu Municipal Dili.

Antes ne’e ekipa rua joga empata 0-0. FC. S’Amuser iha primeira parte jogu normal nian, hetan suta penalidade hafoin sira nia jogador Leticia Rego ne’ebe liu ona defeza hetan blokeia hosi Agustinha Nogueira, Baliza, AD. SLB.

Kapitaun FC. S’Amuser, Dolores Verdiana ne’ebe sai ezekutora penalidade failla halo golu, hafoin bola ne’ebe nia suta hetan blokeia hosi Baliza, Agustinha Nogueira.

Nune’e AD. SLB, antes suta penalidade Dolores nian, hetan mos oportunidade diak liu hosi free kick ne’ee foti hosi Govelivia Martins, maibe Dewi Fortuna sei dook hosi Forsa Makikit Laulara. Bola ne’ebe nia sura maski konsege liu baliza S’Amuser, kona deit rin baliza no la konsege finaliza ho didiak fali wainhira bola sai Julia Belo ne’ebe hetan bola ne’e

Vanessa Fernandes ho kolega sira mos hetan tan oportunidade diak liu hosi free kick ba daruak nian,maibe bola ne’ebe Vanessa husik la konsege kontrola ho diak hosi 13 ne’ebe livre hosi guarda defeza adversariu.

Julia Belo hetan mos oportuniade ba golu nian, maibe bola ne’ebe nia kabesa sei dook hosi baliza S’Amuser, Madalena Soares.

Iha segunda parte, FC. S’Amuser hetan oportunidade osan mean 2 ne’ebe hosi Doloroes Verdiana, maibe bola ne’ebe nia hetan labele finalize sai golu.

Ho rezultadu 0-0, arbitru tenki hakotu jogu liu hosi tiru penalidade. Iha penalidade, jogadora AD. SLB konsege ezekuta hotu bola penalidade ne’ebe liu hosi Vanessa Fernandes, Natalia da Costa, Astari Songe Neticia Soares no Govelivia Martins.

Entertantu, FC. S’Amuser so Rosa da Costa ne’ebe hetan tiru dahuluk failla halo golu, hafoin bola ne’ebe nia suta bele kaptura ho diak hosi Agustinha Nogueira. Jogadora seluk Natalia Lawa, Dolores Verdiana no Nilvia Ximenes konsege ezkuta penalidade ho diak.

Ho rezultadu ikus 5-3, FC. S’Amuser tenki rekonese vitoria Ad. SLB nudar kampiaun Super Cup 2021.