Komunidade Atus ba Atus Hadau Malu Koleta Ikan iha Seloi kraik

www.news-viptv.com -Aileu 17 Outubru 2026 — Komunidade atus ba atus hamutuk ho Ministériu Agrikultura, Pekuária, Peska no Floresta (MAPPF) no autoridade lokál  sira kolleta ikan iha Lagoa Seloi Kraik. Atividade ne’e sai hanesan parte ida husi esforsu atu promove dezenvolvimentu setór peska no haforsa ekonomia komunidade liu husi utilizasaun rekursu ikan ne’ebé disponivel.

“MAPPF, nu’udar instituisaun governamentál ne’ebé iha responsabilidade ba setór peska, kontinua fó atensaun ba dezenvolvimentu rekursu peskeiru, atu nune’e bele kontribui ba seguransa ai-han no hadi’a moris ekonomia komunidadea, atividade iha Lagoa Seloi Kraik ne’e mós sai hanesan oportunidade ida atu hametin relasaun servisu hamutuk entre instituisaun governo no komunidade, hodi promove atividade peska ne’ebé sustentável no fó benefísiu ba povu. Tenik Ministru MAPPF,” Dehan Ministro Markus da Cruz ba jornalista sira tuirpublikasaun pajina sosial ministeriu nian.

MAPPF sei kontinua iha kompromisu atu apoia dezenvolvimentu setór peska, tuir polítika no programa governamentál, ho objetivu atu aumenta produsaun, hadi’a seguransa ai-han no kria oportunidade ekonomia ba komunidade, atividade kolleta ikan iha Lagoa Seloi Kraik, ne’ebé envolve MAPPF, autoridade lokál no komunidade, hatudu importánsia kolaborasaun hamutuk iha dezenvolvimentu setór peska iha Timor-Leste. Dehan Ministru MAPPF

Iha fatin hanesan Prezidente Autoridade Munisipál Aileu, Jacinto Ribeiro Dias, husu ba Ministériu Agrikultura, Pekuária, Peska no Floresta (MAPPF) atu bele fó apoiu ekipamentu ne’ebé apropriadu hodi ajuda komunidade halo limpeza iha Lagoa Seloi, ne’ebé agora daudaun nakonu ho tahu, Lagoa Seloi nu’udar fatin ida ne’ebé presiza hetan atensaun husi parte hotu-hotu, tanba ambiente ne’ebé mos no saudável importante ba komunidade no rekursu naturál sira ne’ebé iha, Aleinde husu apoiu ekipamentu ba MAPPF, Prezidente Autoridade Munisipál Aileu, Jacinto Ribeiro Dias, mós apela ba komunidade sira atu fó atensaun no kuidadu ba Lagoa Seloi Kraik, liu-liu iha aspetu limpeza no konservasaun ambiente.

Nia husu ba komunidade atu la soe foer arbiru iha lagoa no área sira hale’u, tanba hahalok hanesan ne’e bele hamosu problema ba ambiente no estraga beleza naturál iha fatin ne’e, komunidade hotu-hotu iha responsabilidade atu mantein lagoa ne’e moos, tanba konservasaun ambiente la’ós responsabilidade Governu nian de’it, maibé responsabilidade hamutuk entre autoridade lokál no sidadaun sira.

Prezidente Autoridade Munisipál Aileu, Jacinto Ribeiro Dias, nia pedidu ba MAPPF atu apoia ekipamentu ba limpeza Lagoa Seloi Kraik, hamutuk ho apelu ba komunidade atu kuidadu no konserva lagoa, hatudu importánsia servisu hamutuk atu proteje ambiente, ho apoiu husi instituisaun governamentál no partisipasaun ativu husi komunidade, espera katak Lagoa Seloi Kraik bele sai moos, saudável no konservadu ba benefísiu komunidade ohin loron no jerasaun sira iha futuru.

Nune’e mos Xefe Suku Seloi Malere, Antonio do Santos Loko, lori komunidade Seloi nia naran, hato’o agradese no apresiasaun ba Ministériu Agrikultura, Pekuária, Peska no Floresta (MAPPF), tanba apoiu no kolaborasaun ne’ebé fó durante ne’e, to’o ohin bele realiza atividade kolleta ikan hamutuk ho komunidade sira iha Lagoa Seloi Kraik.

Antonio do Santos Loko hato’o katak apoiu husi MAPPF iha importánsia boot ba komunidade, liuliu iha esforsu hamutuk atu dezenvolve atividade peska no aproveita rekursu ikan ne’ebé iha lagoa. Nia mós hato’o agradese ba instituisaun ne’e tanba fó atensaun ba komunidade no kontribui ba atividade ne’ebé bele lori benefísiu ba povu, atividade kolleta ikan ne’e la’ós de’it oportunidade atu hetan ikan, maibé mós sai hanesan momentu importante ida atu hametin relasaun servisu hamutuk entre MAPPF, autoridade lokál no komunidade sira.

Iha atividade Kolleta ikan iha Suku Seloi Kraik Munisipiu Aileu ne’e hetan partisipasun husi Ministru MAPPF, PAM Aileu, Xefe Suku Seloi Malere, Xefe Suku Seloi Kraik, Diretor DSAM Aileu, KPK Aileu, Komunidade Aileu.