DILI, www.news-viptv.com – Golu penalidade Denilson Soares iha minutu 73, lori Hibers FC joga empata 2-2 kontra Lica-Lica Lemorai, iha jogu ne’ebe halao Kuarta (27/5/2026), iha Estadiu Munisipal Dili.
Nuudar klubu promovidu, Hibers ne’ebe haforza husi eis Defeza nasional, Angisiu Barbosa lidera uluk jogu ho golu 1 liu husi Alfert Tefa iha minutu 9.
Lica-Lica Lemorai iha minutu 19 konsege halo jogu sai empata 1-1, hafoin Ivo Pinto ho susesu halo golu liu husi nia ain los ne’ebe labele antisipa ho diak husi baliza Hibers.
Klubu antigu Segunda Divisaun Lica-Lica Lemorai fila ukun jogu hafoin hatama tan golu daruak iha minutu 23 liu husi ain Nencio Fernandes, 2-1, Lica-Lica Lemorai lidera jogu.
Hibers FC ne’ebe treina husi Eusebio Almeida, eis Jogador selesaun nasional, ikus tenki simu rezultadu empata 2-2 hodi fahe pontu ida-ida ho Lica-Lica Lemorai.
Entertantu iha jogu seluk Grupu A nian, AS. Ponta Leste joga empata 0-0 kontra FC. Nagardjo.
Ho rezultadu empata, vitoria ne’ebe AC. Mamura hetan husi Academica 2-1, lidera Grupu B ho pontu 3, tuir kedan Hibers iha pozisaun daruak ho pontu ida, no Lica-Lica Lemorai iha pozisaun datoluk ho pontu 1, FC. Weasel iha dahat no Academica iha pozisaun Dalima.
Iha Grupu A, manan mihis 1-0 ne’ebe FC. FIEL hetan wainhira halakon FC. Atauro, lori klubu ne’e lidera grupu refere.
