banner 1000x250

11-13 Dezembru, DNMG Alerta Munisipiu 5 ho RAEOA Sei Akontese Udan Forte Liu

  • Share
Mapa Previzaun Tempu windy.com
banner 728x90

DILI, www.news-viptv.com – Diresaun Nasional Metrologia no Geofisika (DNMG) alerta ba komunidade hosi munisipiu 5 ho RAEOA atu kuidadu tamba iha previzaun tempu hahu 11 to’o 13 Dezembru 2023 sei akontese udan forte liu no railakan.

Iha nia previzaun tempu ne’ebe publika hosi pajina official DNMG nian, munisipiu 5 ne’ebe sei akontese udan forte liu maka Bobonaro, Covalima, Manatuto, Ermera no Manufahi.

banner 1000x250

“Iha risku boot ba mota tun, ai-tohar, ai-rin eletricidade tohar no sel-seluk tan. Husu ba komunidade hotu halo atividade karik tau atensaun ba udan no tempestade (udan, anin no rai lakan) liuliu ba munisipiu sira ne’ebe alerta tamba bele akontese dezastre sira ne’ebe ita la espera,” apela DNMG.

Alende munisipiu 5 refere ho RAEOA, DNMG mos apela ba komunidade iha Munisipiu Dili, Ainaro, Lautem, Baucau, Viqueque, Liquisa no Aileu mos atu kuidadu tamba iha previzaun tempu mos sei akontese udan forte ho railakan.

Anin Bo’ot Sobu uma 25 iha RAEOA

Diretor GREC-APC, Anacleto Caetano. Foto: Adelina de Jesus / VIP TV

Autoridade Protesaun Sivil (APC) liu hosi Gabinete Relasaun Externa no Komunikasaun iha atualizasaun dadus dezastre peridou 28 Novembru to’o 11 Dezembru 2023, relata komunidade nia uma 25 iha RAEOA hetan estragus tamba anin sobu.

Diretor GREC-APC, Anacleto Caetano iha konferensia imprensa informa, hosi dadus 28 Novembru to’o 4 Dezembru APC rejista uma hamutuk xefi familias 37 maka hetan estragus. Vitima dezastre naturais ne’e mai hosi munisipiu Aileu anin sobu uma 4, Ainaro ahi han uma 3, Baucau anin sobu uma 2 ahi han 1, Dili Ahi han uma 1, Liquisa Ai baku mate 1, Manu-fahi ahi han uma 1, RAEOA anin sobu uma 25.

“Total dados akontesimentu dezatre naturais ho tipu tolu mak hanesan anin sobu uma, ahi han uma no rai halai, total dados ne’e iha 132. Durante semana rua ne’e anin sobu uma 122, ahi han uma 8, rai halai 1,” dehan Anacleto Caetano, iha edifisiu APC, Kaikoli, Dili, Segunda (11/12/2023).

Nia mos esplika, ahi han uma ne’ebe akontese iha Municipio Ainaro akontese iha Postu Ainaro Villa, ne’ebe hahu hosi loja xineza ida nian no daet ba komunidade nia uma tolu.

“Vitima mate hosi Munisipiu Liquisa ne’e akontese iha Postu Bazartete, Suku Fahebo, Aldeia Tohilu Karaik iha 3 Dezembru akontese vitima maka tesi ai no ikus ai hanesan vitima mate fatin,” dehan diretor ne’e.

  • Share

Leave a Reply

Your email address will not be published. Required fields are marked *

error: Content is protected !!