Misa Funeral Papa Francisco iha Tasitolu, Sarani Timor-Leste Triste

DILI, www.news-viptv.com – Sarani Katolika Timoroan sira iha Misa funeral Papa Francisco nian ne’ebe realiza iha Tasitolu, senti triste no lakon ba falesimentu Papa Francisco nian.

Iha misa funeral ne’ebe diriji husi Amu Bispu Baucau, Leandro Alves no hetan partisipasaun sarani rihun atus ba atus, nu’udar sarani Isanora Tavares Pinto hanesan joventude senti tristi, hamrik hikas iha Tasitolu ne’ebe uluk tanis ho kontenti nian bele simu Papa Francisco nia vizita, maibe ba daruak nian iha nia prezensa, ema hotu tanis ba triste nian tamba Papa Francisco husik ona mundu ne’e.

Tristeza hanesan espresa husi Raul Varela, maibe maski Papa Francisco laiha ona iha mundu ne’e, maibé nia espiritu hamutuk nafatin ho povu doben Timor-Leste.

Tereza Alves espera amu papa foun tenki hahalok tuir Papa Francisco ninian.

Misa funeral ne’e mos hetan prezensa husi Primeiru Ministru Xanana Gusmao ho nia membru governu no estidade estadu seluk.

Papa Francisco hakotu i’is iha loron 21 Abril, oras 7:35 vatikanu nian, ho idade 88.

Papa Francisco nudar papa daruak ne’ebe vizita Timor-Leste hafoin Papa Joao Paulo Segundu iha 12 Outubru 1989.