Ministra Adaljiza Magno Hato'o Sentidu Kondolensia ba Vitima Esplozaun Otel Saratoga

DILI, www.news-viptv.com – Ministra Negósius Estranjeirus no Kooperasaun, Dra. Adaljiza Magno, lori governu no povu Timor-Leste nia naran, hato’o sentidu kondolénsia profunda ba vítima Povo no Governu Repúblika Kuba ba esplozaun bomba iha otél Saratoga-Havana, iha loron 6 maiu 2022, ne’ebé halo povo barak mak kanek no lakon vida.

Ministra Negosiu Estranjeiru no Koperasaun, Dra. Adaljiza Magno

“Pensamentu kle’an ba Governu Repúblika Kuba no Família enlutada atu korajen no forsa nafatin iha tempu difísil ida ne’e,” dehan Ministra Magno, Tersa (10/5/2022), iha nia pajina offisial facebook nian.

Hosi esplozaun bomba ne’e, ema nain 22 maka relata mate.

Prezidenti Cuba, Miguel Dias-Canel informa, esplozaun ne’e laos ataka ruma, maibe dezastre ida hosi gas ne’ebe nakfera.

“Ne’e laos bomba ou ataka ruma, ne’e dezastre,” deklara Miguel Dias-Canel.

Otel Saratoga nudar otel istoriku ida ne’ebe sai ikon ba nasaun Cuba ne’ebe harii iha tinan 1930.