Leo XIV Papa Foun ba Dala 267

VATIKANU, www.news-viptv.com – Hafoin halo votasaun dezde horseik, Kuarta (7/5/2025) iha Kapela Sistina, Konklave atu hili Papa foun hodi troka Papa Francisco ikus mai konkorda naran ida de’it. Igreja Katólika mundiál ofisialmente iha Amu-Papa foun.

Ida-ne’e signifika katak iha oras 26 resin (iha totál prosesu Konklave hahú, tanba odamatan sira Kapela Sistia nian taka iha Kuarta-feira (7/5/2025), ikus, Amu-Papa ba dala 267 maka eleitu.

Papa foun eleitu hafoin pelumenus votu 4. Iha ne’ebé, antes ne’e suar metan mosu dala 3, indika katak Konklave ne’e seidauk iha naran ba Papa foun.

Konfirmasaun ida-ne’e marka ho mosu suar mutin hosi xaminé iha Kapela Sistina nia leten, ne’ebé simu hosi kongregasaun barullu ne’ebé maka marka prezensa hodi hein Konklave iha prasa Bazílika São Pedro nian, iha Vatikanu. Tuir fali ho toka sinál sira iha Bazílika São Pedro nian.

Konfirmasaun tuirmai, Amu-Papa foun deklara ofisialmente iha fatin hafoin fó sai hosi Bazílika São Pedro nian, ho liafuan sira “Habemus Papam”, signifika “Ita iha Amu-Papa ida”.

Amu-Papa Leão XIV! Kardeál Proto-Diákonu, Kardeál Diákonu senior ida hosi varanda Bazílika São Pedro nian fó sai naran Papa-foun ne’ebé foin eleitu nu’udar rezultadu hosi Konklave ne’ebé eleitu.

kardeál Robert Prevost, ne’ebé eleitu nu’udar Papa foun Igreja Katólika nian, hili naran Papa Leo XIV.

Hateten katak Robert Prevost, nu’udar Amu-Papa Leão XIV, nu’udar Amerikanu dahuluk ne’ebé sai Papa iha istória tinan 2000 Igreja Katólika nian. Nia iha tinan 69, nia hala’o nia serbisu haklaken iha Peru.

Antes ne’e, Robert Prevost maka Prefeitu Departamentu Bispu sira nian; prezidente Komisaun Pontifisiál ba Amérika Latina iha Papa Francisco nia okos.

“Dame hela ho imi hotu!” – liafuan dahuluk sira Amu-Papa Leão XIV nian.