Jogos Desportivos CPLP 2025, Adeus Timor-Leste, ate Brasil 2027

DILI, www.news-viptv.com – Primeiru Ministru Kay Rala Xanana Gusmao offisialmente taka XII Jogos Desportivos CPLP ne’ebe realiaza iha Dili desde 19 Jullu.

Iha nia deskursu Primeiru Ministru louva ba atleta sira ne’ebe hatudu sira nia kompromisu no servisu iha ekipa ba objetivu komún ida, hanorin valór respeitu fundamentál ba kolega sira no sira ne’ebé kompete hodi hasoru.

“Sira hatudu katak desportu liu fali kompetisaun desportu maka eskola dame no toleránsia nian, fatin ida ne’ebé ema hotu iha fatin, no fonte inspirasaun nian, liuliu ba jerasaun foun sir,” hateten PM Xanana.

Enseramentu ba eventos desportivos ne’e taka ho jogu final futebol entre Angola no Cabo Verde ne’ebe mana husi Cabo Verde liu husi drama penalidade.

Seremonia enseramentu taka ho aprezentasaun divertementu ne’ebe kontinua hatudu dansa kolosal ho baze kultura Timor-Leste ho musika official Unidos nos somos um

XII Jogos Desportivos CPLP tinan ne’e Portugal maka sai vensedor ba medalla jeral ho total medalla hamutuk 42 no Timor-Leste okupa fatin dahat ho total medalla 19 ho medalla osan mean 3, osan mutin 6 no osan metan 10.

Hamutuk iha modalidade 8 ne’ebe compete maka Futebol, Atletismu, Taekwondo, Karate, Tenis do Kampo, Xadrez, Volei Praia no Basketbol 3 on 3, alende ne’e iha mos para-atletismu.

Jogos Desportivos CPLP tuir mai fali sei realiza iha Brasil, tinan 2027.