Eis Padre Daschbach Tama Lista Indultu Ministeriu Justisa Nian

DILI, www.news-viptv.com – Ministru Justisa, Sergio Hornai hateten, eis padre Ricard Daschbach bele hetan indultu, wainhira kondenadu nee prense rekejitu.

Ministru Justisa, Sergio Hornai informa assuntu ne’e hafoin hasoru malu ho Prezidenti Republika Jose Ramos Horta iha Tersa (14/5/2025), iha Palasio Prezidensial.

Iha nia inkontru ho xefi estadu, Ministru Hornai mós informa ba Prezidente kona-ba estatutu indultu no komutasaun sentensa hamutuk 38 ne’ebé hein revizaun prezidensiál, hodi subliña katak enkuantu Ministériu fó rekomendasaun, desizaun finál sira nafatin iha Prezidente nia autoridade konstitusionál.

Eis Padre Daschbach hetan pena tinan 12 tamba kazu abozu seksual hasoru labarik menor idade iha orfonatu Topu Honis ne’ebe nia harii iha Oekusi desde tinan 1992.