![banner 1000x250](https://news-viptv.com/wp-content/uploads/2025/07/master-iklan-cplp.jpg" "banner 1000x250")
![banner 728x90](https://news-viptv.com/wp-content/uploads/2022/11/Efata-John-14-6.jpg" "banner 728x90")
DILI, www.news-viptv.com – Câmara de Comércio e Indústria de Timor-Leste (CCI-TL) fo sai katak presu sasan iha merkadu fo mos impaktu ba kualidade projetu ne’ebe halo husi setor privadu.
Iha inkontru alargada CCI-TL ho Ministériu Planeamentu no Investimentu (MPIE) iha nia enkontru alargada ho tema ba enkontru nee maka Ho Espirítu Foun no Kolaborasaun Diak ita bele Alkansa Infrasestrutra ho Kualidade no Reziliente, Prezidenti CCI-TL, Jorge Serrano hateten presu sasan iha merkadu mos sai impaktu bo’ot setor privadu sira iha ezekusaun projetu governu nian.
![banner 1000x250](https://news-viptv.com/wp-content/uploads/2024/03/IKLAN-KURSU-VIP-24.jpg" "banner 1000x250")
“Dala barak obra sira nia kualidade la diak tanba presu sasan sira ne’e, diskusaun obra lao la diak, tanba presu sira entaun ida ne’e mak ohin emprezariu sira iha area konstrusaun civil ne’ebe natoon, kiik ou boot hotu hotu iha ne’e. Obra balu paradu la kontinua iha kestaun barak, impreza balu laiha vontade di’ak, balu tanba mudansa klimatika, tanba forsa maior no balu falta de desenho balu falta de atensaun, buat hotu akontese maibe tenke inimiza buat sira ne’e,” dehan Jorge Serrano ba jornalista sira, Kinta (20/3/2025), iha Salaun Multiuzo bebora, Dili.
Alende preokupasaun hirak ne’e, preokupasaun seluk setor privadu nian maka prosedemento iha konkursu no prosesu aprovisioamentu nian.
Ministru Investimentu no Planeamentu Estratejiku (MPIE), Gastão Sousa ba jornalista sira hateten, konsidera setor privadu nu’udar parseiru governu nian iha dezemvolvimentu, persiza tebes atu rona preokupasaun setor privadu sira.
“Ita tenki ko’alia ba malu tenki rona malu par ita buka solusaun saida mak diak ba iha setor privadu tamba Primeiru Ministru (PM), programa IX governu konstituisional S etor privadu ne’e parseiru Dezenvolvimentu governu nian,se ita lakoi rona sira tuir ita nian de’it no lakoi rezolve problema ne’ebe mak sira iha,” dehan Ministru Gastão Sousa.
Iha inkontru ne’e, Ministru Gastão Sousa lori mos Diretor Ezekutivu Agencia Desenvolvimentu Nasional (ADN) nomos Diretor Ezekutivu Komisaun Nasional Aprovisionamentu (CAN).
