PR Ramor-Horta Simu Karta Kredensial husi Embaixador Kamboja

Dili, www.news-viptv.com – Prezidente Republika (PR), Jose Ramos Horta, simu Karta Kredensial husi CHUN Sovannarith, rezidente dahuluk Embaixadór Estraordináriu no Plenipotensiáriu Reinu Kambodia nian mai Timor-Leste, Tersa (29/4/2025), iha Palasiu Presidensial.

Serimónia kredensial, ne’ebé hala’o iha Palásiu Prezidensial Nicolau Lobato, marka etapa istóriku iha relasaun diplomátika entre Timor-Leste no Kamboja. Estabelesimentu embaixada residente dahuluk Kamboja nian iha Dili hatudu parseria ne’ebé aumenta entre nasaun rua ne’e.

Embaixador Chun lori esperiensia diplomátika besik dėkada tolu, inklui papel sira nu’udar Ministru Konselleiru no Adjuntu Xefe Misaun ba Béljika, Olanda, Luxemburgu, Austria, no Uniaun Europeia. Nia asumi knaar nu’udar Adjuntu Diretór-Jeral ba Departamentu Jeral ASEAN iha Ministériu Negósiu Estranjeiru no Kooperasaun internasionál Kamboja nian, Superviziona Relasaun Diálogu ASEAN no Timor-Leste nia adezaun ba Membru ASEAN.

Nu’udar sobrevivente rejime Kamer,  Embaixador Chun nia servisu distintu halo nia simu Medalha Osan-Mean ba Servisu Distintu husi Samdek Teko HUN SEN no medalla TANAK MOHA SEREI WATH husi Sua Majestada Liurai NORODOM SIHAMONI.

Prezidente Ramos-Horta fő benvindu ba Embaixadór CHUN no espresa apresiasaun ba Kamboja nia apoiu ne’ebé metin ba Timor-Leste, destaka signifikadu husi avansu diplomátiku ne’ebé loke dalan foun ba kooperasaun.

Timor-Leste no Kamboja fahe esperiensia sira kona-ba ultrapasa dezafiu istóriku sira hodi harii sosiedade pasifiku no demokrátika, hodi kria fundasaun ida ba komprensaun no kolaborasaun ba malu

Nomeasaun ba Embaixadór rezidente dahuluk Kamboja nian reprezenta avansu signifikativu iha relasaun diplomátika entre nasaun Sudeste Aziátiku rua ne’e no refleta importánsia Timor-Leste nian iha asuntu rejionál sira.